買電視

客廳需要一部新電視。

舊的電視其實蠻好的，連錄影機，久而久之都已用了接近二十年，都是時候退休了。記得當年有次入醫院，病房都是用這型號的。

在這國際都會裏買影音產品壓力很大，首先要考慮哪一間店舖有信用卡折扣，有甚麼贈品，還要問有關的送貨問題。鎖定店舖後，就要面對各售貨員炮轟式的推銷。我很怕行電器鋪，「先生，睇啱咩款？我可以幫你喎。」行一個 column 聽五次，仲煩過吉 x 利廣告。

香港的售貨員特別專業，大部分能操兩文三語，而全部都有無限的專業知識，務求在一分鐘內將幾本 catalogue 的精要一次過灌輸入客人的腦內，無論面對多少客人都應付有餘，面不改容。最慘的是，每行一次都要重新聽一次，你唔想講我又唔想聽，何苦呢？如果閣下有意跟建議買一部大約四十吋的電視的話，應該會聽到以下的內容：

「Sony 機，長 xx 吋，高 yy 吋，內置機頂盒，出左八個月，100 Hz，當然冇 LG 部 200 Hz D 畫面咁流暢，原因係…（下刪二百字）。而家做緊特價，減完再九五折，仲送 adidas 系列運動用品。再比較下呢兩部，睇唔睇到個立體感？呢部機個色加左 zzzzz 令 D 色 sharp D，但係個立體感就差 D。有 D 客就係鍾意呢樣，我自己就當然係揀o個部啦，你睇下周中個樣…」

九秒九完成，聽了兩個星期都仲未識唸，要檢討。

結果呢，還未買到電視，想再去又偏遇上八號風球。我知我煩。