雪

在英國的十個年頭我還是第一次享受下雪的一刻。

白色聖誕，很酷啊。

這一刻的國際學府很美麗。

神槍手與走地豬

神槍手

入老細 office 傾野，傾傾下佢突然停一停，話：

「唔記得入電添。」

你唔係呀？今次又咩事呀？跟住佢起櫃桶攞支玩具槍出黎，話：

「唔記得幫支槍入電添。」

汝欲無言。多年無厘頭經驗都敵不過突如其來的一句。

「 呢支槍呢…」
又黎料啦…

「呯、呯、呯！」
o_O

「係用黎睇 paper 唔 gur 時用既。呯、呯、呯！」
咁你即係暗示我做得差o者。

睇真 D，好彩唔係，係第二個 project D 野…

國際學府讀到人都癲，我信啦。

-----

走地豬

上星期與朋友到了一間頗為別開生面的酒吧。這間 pub 叫 The Empress，位於 Mill Road 尾。特別之處在於室外摸杯底的位置有一個小農場，有幾隻豬和幾隻兔走來走去。坐到一半，東主會在地上拋下飼料，然後放一隻豬出來吃，如是者豬隻會在客人腳中左穿右插，一時間成為眾人的焦點，任人摸任人餵，坐住看都令朋友們樂此不疲，笑著又開開心心過了一個簡單的星期日晚。

唔好問，我冇影相。

外向

躲在室內兩個星期寫寫寫，才發現我是完全沒有天賦去做一名隱青。

做毒男也許還可以。

眼睛去旅行

拿拿拿，好啦喎，唔好再（目及）啦下。

睇住你架啦，仲（目及）？

我知後面有幾個人著住低胸熱褲搖下搖下，仲要唔係男人添，但係可唔可以講埋個 PCR 先（目及）呀，阿哥？

突擊測驗

Lunch 之後番 lab，坐低 check e-mail，五分鐘後老細帶住一個白頭佬入黎。

老細：「呢個係我當年做 post-doc 時o既老細，」
老老細你好。

「〔下刪幾十字介紹〕，佢起溫哥華飛過黎，我原本想介紹你個 project 俾佢知，不過冇時間，你可唔可以講〔之前個 PhD〕 份論文、你上年份 project report 同近期做o既野俾佢聽？」
心離了一離，冇 notice，咁大整蠱？冇問題，真金不怕洪爐火，怕你？吹都唔得，仲駛起呢行企o既？

「我而家要去湊仔，個幾鐘後返，之後會返黎接佢食飯。」
拿拿拿，好啦喎，今日留一線，唔好去得咁盡好喎大佬，冇俾 MPF 仲要吹一粒鐘，家陣點計先。

如是者吹了個幾鐘水，又好似意猶未盡，同大粒佬交流真係得益不少，吹下吹下好多野講，其實幾好玩。不過，下次俾 D notice 好 D。

最後，走時嚮超市見到個染紫毛o既阿婆買野。

週七兩則

上個星期去得很盡。星期一做 lab 做到十一點，之後晚晚要趕要教的 Thermodynamics，自己做完之後又要改學生的，基本上日日都用枯燥去麻醉空虛，時間這概念已變得不重要，畢竟睡眠只是工作甲與應酬乙之間迫不得已的行為罷了。到最後，身體比靈魂更早放棄，所以星期四開始便只坐下來讀 research paper。再做？睬你都傻，Department 又冇俾 MPF。

－～－

老細寄來了兩封電郵，都是關於 conference 的，一個在 Michigan，另一個在愛丁堡。恰巧兩個都是在 first-year report 的 deadline 之前一、兩個星期，時間上有衝突，於是走去問問老細意見。結果呢，耐人尋味。下為漢化譯版：

吾：「老細，時間唔就喎，點算？」
其：「你可以早 D 寫好份 report，一早交左佢，之後咪當放一個星期假囉。」
吾：「但係有一 part project 仲未開始喎，點知有咩寫？」
其：「話時話，係時候同〔collaborator〕傾一傾另一 part 做 D 咩。你知佢啱啱番左黎啦？」
吾：「吓？」
其：「o個條友，以為佢去o左 conference，點知原來去o左滑雪。真係離晒譜。」
吾：「係咪去左溫哥華睇奧運呀？」
其：「溫哥華，嘩，想當年我做 post-doc，開完會，坐起山頂，前面見到溫哥華城市，後面見到無窮無盡o既山巒，嘆住茶望住日落，真係人間仙景。」
吾：「唔…」
其：「我做 post-doc 時個老細呢，唔鍾意滑雪o架喎。佢老婆呢…」
吾：「老細…」
其：「佢老婆呢，係一個好聰明 o既傳統 biochemist。佢呢…」
吾：「Eh…」
其：「（下刪數百字）」

如是者坐著聽了一大段故，都未找到答案，但我很想去看雪景。

迷失劍橋

本週比較平淡，只是：

１）已經二月了，救命。可不可以用 special relativity 將 time dilate？

２）星期一一朝早收到上頭的嚇人電郵，原來大部分 first years 都炒了 College test，只有一人有 first。不過，重要的是，那是我的學生。OH YEAH。（笑）

３）某大粒教授來了我們的 lab 為電視台 interview，喝停了所有人的工作。在沒有 notice 下被人停工，很多人都很不快。最搞笑是那些花絮鏡頭，真的很虛偽。

４）放濕機不放濕，開始放煙。又要回歸原始的洗衫取水 [1] 的保濕方法了。

５）Research group 來了一位新 member，我的地位又因此提升了，哇嘿嘿。可惜我太好人，事事親力親為，沒有點人的需要（或權力）。


日日如是，開始有點枯燥。之前提過，熟悉的同學、朋友都已離開了，已經再沒有 motivation 去 socialise。開得夜的 Borders 關門大吉，每晚離開 lab 的時候都 7/8/9 點，回家改改功課上上你管 check check 面書又一晚，時間變得公式化，有點 dry，很 dry。音樂、書本只能有一定的效用，沒有人與你分享，了解這世界又如何？也許我需要的，是一樣 irrational 的東西，或者應該說，我需要一個人，或一班人。有可能我要 socialise。

再想一想，其實現在也不算迷失，只是有太多想做，開始沒有 focus 罷了。也許是時候要坐低寫個時間表，立下些目標，有可能日子會過得比較順一點。但願老細不要每兩日改一次 planning 就 OK 了。（不過這位老細也算唔話得，因為他真的跟我的 project 跟得很貼。）

又到星期日，之後就是星期一。不過這一刻，我在乎的，是 13.5% ethanol，和一齣喜劇。


註：
[1] 將衫洗濕，掛在暖爐邊，即可。有效期因人而異。

瑣事

‧上星期到了濠江，只到了名勝和參觀了不少賭場，吃了不多。住威尼斯人，房大，值得一去，再去則需充分理由，始終不太習慣處處金色。買了不少香港都有的手信，最愛鉅記的紫菜肉鬆鳳凰卷。

‧朋友們突然稱呼我為「將軍」，不知何解。本帥只能命令該干人等到將軍澳罰企。

‧近日消費有點瘋狂。原來用「遲下又唔起香港」作為理由能夠有效地抑制揮霍帶來的罪惡感…

‧舒曼的《Piano Sonata No. 2》令到我左手尾指的肌肉很痛。

‧一想起要回英國就頭痛。（看下篇）

手信

朋友 K 早前到了北海道旅行，買了這個十分精美而酷似 H2O 的雪櫃磁石給我，原因是，我像它。

從小開始，同學們都覺得我長得像個動漫人物：初中時是《小丸子》的丸尾末夫，高中時是《姆明》系列的史力奇，大學時則像《蠟筆小新》的阿呆。

而我嘛，卻一直覺得自己比較像吳彥祖，原來連鏡子都對我說謊。

桌面

別怪我潮爆，原來 ObjectDock 好好玩，一下子令 Vista 變假 Mac，再加 Yahoo! Widgets，都玩o左我一朝。

背景為挪威某 fjord，自拍的。

九唔搭八

下午三點，並不是指陳綺貞的歌，而是一定有人在這時間打一些無謂電話來。今日的是這樣的：

我：「喂？」
她：「你好，先生，想問番你一 D 野先。你覺得香港夠唔夠…」
我：「唔好意思，我唔係姓陳。」
她：「唔係，先生，我唔係話你係姓陳，不過…」
我：「我真係好唔得閒，拜拜。」

無痛無痕。

港式英式中文

國際都會的本土智慧。

老闆娘叫外賣

昨晚去唱片鋪買 CD，事頭婆在叫外賣。

「唔該，我想要個ｘｘｘ麵、四碗湯，同兩杯檸水走水。」
「冇錯，兩杯檸水走水。」
「係，淨係要檸檬，我唔要水。」

吹脹。