雪

在英國的十個年頭我還是第一次享受下雪的一刻。

白色聖誕，很酷啊。

這一刻的國際學府很美麗。

熟食販賣機

上星期 Department 添置了一部熟食販賣機。說是熟食，其實只是附帶兩部微波爐讓人叮熟冷凍食品的一個櫃而已。不過提供的食物種類都算不少，有英式早餐啦、各式 panini 啦、意粉啦等等等等，而且價格都算合理。買後在微波爐 scan 一 scan barcode 確認產品，放入再按一個掣叮一叮就食得，好方便。

比起以往只有一部只售 Mars bar 和薯片的機這真是做福人民呀，尤其是對於喜歡晚上工作又不喜歡自備食物又懶出街買的人來說。觀察一週後，它的銷售情況都算理想，可能是人人都貪新鮮吧。今晚終於有機會試了一份 pastry 類的東西，sausage beany，味道都算不俗而且份量足夠，比起樓下 cafe 的好好多了。唯一麻煩的地方就是入十鎊買兩鎊十的東西居然退回十五個 50p，美中不足。

由於此機是由 academic officer 管理的，我總覺得背後有點陰謀…

神槍手與走地豬

神槍手

入老細 office 傾野，傾傾下佢突然停一停，話：

「唔記得入電添。」

你唔係呀？今次又咩事呀？跟住佢起櫃桶攞支玩具槍出黎，話：

「唔記得幫支槍入電添。」

汝欲無言。多年無厘頭經驗都敵不過突如其來的一句。

「 呢支槍呢…」
又黎料啦…

「呯、呯、呯！」
o_O

「係用黎睇 paper 唔 gur 時用既。呯、呯、呯！」
咁你即係暗示我做得差o者。

睇真 D，好彩唔係，係第二個 project D 野…

國際學府讀到人都癲，我信啦。

-----

走地豬

上星期與朋友到了一間頗為別開生面的酒吧。這間 pub 叫 The Empress，位於 Mill Road 尾。特別之處在於室外摸杯底的位置有一個小農場，有幾隻豬和幾隻兔走來走去。坐到一半，東主會在地上拋下飼料，然後放一隻豬出來吃，如是者豬隻會在客人腳中左穿右插，一時間成為眾人的焦點，任人摸任人餵，坐住看都令朋友們樂此不疲，笑著又開開心心過了一個簡單的星期日晚。

唔好問，我冇影相。

外向

躲在室內兩個星期寫寫寫，才發現我是完全沒有天賦去做一名隱青。

做毒男也許還可以。

煙火

又是一年一度的煙花季節。

我已經忘掉了時間，這瞬間即逝的虛無縹緲已成為我背後的身影。看不到，但聽得見，它也確實的存在過。

但是，無處不在的虛無縹緲亦彷彿是我身前的背影。

眼睛去旅行

拿拿拿，好啦喎，唔好再（目及）啦下。

睇住你架啦，仲（目及）？

我知後面有幾個人著住低胸熱褲搖下搖下，仲要唔係男人添，但係可唔可以講埋個 PCR 先（目及）呀，阿哥？

聲嘶力竭

上堂，連續上了四小時。

不斷講不斷講，分分鐘可以報工傷，不過同學們一句「Thank you very much! It makes a lot more sense now.」乜都值番晒。

Eason，好好保養聲音，星期一見。